Облыстық перинаталдық орталығы ұжымы сала ардагері, ұлағатты ұстаз Зайнулина Мусавия Нигмаджановнаны зейнет демалысына шығарып салу рәсімін өткізді. Бас дәрігер О. В. Ким талай жыл атқарылған ерен еңбегі үшін өз алғысын білдіріп, ізгі тілектерін жеткізді.
Зайнулина Мусавия Нигмаджановна – қалалық перзентханада 1973 жылдан бері клинико-диагностикалық зертханада қызмет жасаған дәрігер-лаборант. Артында 50 жыл еңбек жолын қалдырып келе жатқан зейнеткер жастардың тәлімгер, ақылшысы бола білді.
Нақты клиникалық диагноз және дұрыс емдеу әдісін жүргізу үшін, сапалы нәтижелердің уақытымен ұсынылуына кепілдік беретін жұмыстарды ұйымдастыруды жүргізген майталман маман. Зерттеулердің сапасын үздіксіз арттыруда, қазіргі заманауи технологиялардың жетістігіне негізделген сараптамалардың барлық түрлерін жасайтын мамандарды үйретіп, даярлауда аянбаған ұстаз.
Мусавия Нигмаджановна, құрметті демалысқа шыққан қуанышты күніңіз құтты болсын! Медицина саласында еткен еңбегіңіз бен төккен теріңіз аз емес. Ендігі сол еңбектің зейнетін көріп, отбасыңыздың ортасында абыройлы болып, ауырмай жүре беруіңізге тілектеспіз!
