Қызылорда облысының 48 жастағы тұрғынында 18 см-ден үлкен миоматозды түйін емханада скрининг өту барысында ультрадыбыстық зерттеуі кезінде табылды. Әйелді бірнеше айға созылған өсіп келе жатқан іш пен тартылған ауырсынуға шағымданғаннан кейін дәрігерлер тексеруге жіберді. «Жатырдың үлкен түйіндік миомасы» диагнозынан кейін науқас жоспарлы түрде облыстық перинаталдық орталығының гинекология бөліміне жіберілді.
«Жатыр мойны миомасы 18 см болды, жатырдың өзі жүктіліктің 18-19 аптасына сәйкес келді. Науқасқа бір жарым сағатқа созылған лапаротамия отасы жасалды. Науқас қазір өзін жақсы сезініп, бүгін үйіне шығарылды. Тұрғылықты жері бойынша емханада гинекологтың қабылдауына келіп, жақсы қалыпқа келетін болады», – деді гинекология бөлімінің меңгерушісі Азиз Құрбанбаев.
Лапоротамия отасын білікті дәрігерлер құрамы ота блогы бар қабылдау бөлімінің меңгерушісі Ким Алексей Афанасьевич және гинекология бөлімінің меңгерушісі Құрбанбаев Азиз Раушанович жасады. Отадан кейін науқас гинекология бөлімінде дәрігерлердің бақылауында болды. 2024 жылдың басынан бастап облыстық перинаталдық орталығының гинекология бөлімшесінде әртүрлі мөлшердегі миоманы жою бойынша 15-ке жуық операция жүргізілді.
«Көбінесе миома өзін көрсетпейді және оны тек ультрадыбыстық зерттеуде және ол үлкен мөлшерге дейін өскен кезде анықтайды. 4 см-ден бастап барлық түйіндер хирургиялық араласудың көрсеткіші болып табылады және 4 см – ден аз клиникалық көріністері – қан кету, ауырсыну, жүктіліктің болмауы миома фонында түсік түсіру. Түйін 4 см – ден 6-7 см-ге дейін болған кезде операция жасау оңтайлы, қауіптер аз және қалпына келтіру оңайырақ», – дейді Азиз Құрбанбаев.
Жатыр миомасын жою бойынша операциялар және оларға дайындық МӘМС шеңберінде жүргізіледі-сақтандырылған пациенттер үшін тегін.
