«Акушерия, гинекология және перинатология ғылыми орталығы» акционерлік қоғамының басқарма төрағасы – Мирзахметова Динара Досалыевна Қызылорда облысындағы іс-сапары барысында облыстық перинаталдық орталығына келді.
     Облыстық перинаталды орталықтың бас дәрігері Ким Олег Вячеславович орталықтың атқарылып жатқан жұмысымен таныстырып, жаңа туған нәрестелер реанимациясы және қарқынды терапия бөлімінің жұмысын көрсетті. Аталмыш бөлімшеде өте қиын жағдайдағы және аса назар аударуды талап ететін нәрестелер, сондай-ақ салмағы 500 грамм және одан жоғары балалар түседі. Нәрестелер жансақтау бөлімшесінің жаңа аппараттармен және толық дәрі-дәрмекпен қамтамасыз етілуін және одан әрі дамыту жолын қарастыру төңірегінде ұсыныстар талқыланды.

      Іс-сапар барысында бас дәрігердің ұйымдастыру-әдістемелік істері және стратегиялық менеджмент жөніндегі орынбасары   Жумашева Гульнара Хамзовна басқарма төрағасын оқу орталығының жұмысымен таныстырды. Онда медициналық қызмет көрсету сапасын арттыру мақсатында қызметкерлер оқу орталығында күнделікті алғашқы шұғыл көмек және қол жуу ережелері бойынша үнемі мастер-класс, тренингтер өткізіледі. Сонымен қатар, Қызылорда облысындағы акушерлік қызметтің тарихы көрсетілген, ұрпақтар сабақтастығы және жас буын мамандарға мұра қалдыру мақсатында құрылған мұражаймен таныстырды.

     Ғылыми орталық басшысы, акушерия, гинекология және неонатология бойынша кураторлық көмек беруші жоғары деңгейдегі мекеме ретінде сала мамандарымен Қызылорда облысындағы ана мен балаға көрсетілетін көмекті дамыту мақсатындағы мәселелерді көтеріп, өз ұсыныстарын берді.