Қызылорда облыстық перинаталдық орталығында 2023 жылдың қорытындысына арналған жиналыс өтті. Жиынға Облыстық денсаулық сақтау басқармасы басшысының емдеу-алдын алу жұмыстары жөніндегі орынбасары Жаныл Абубакирова мен ана мен бала денсаулығын қорғау бөлімінің басшысы Айгүл Төлегенова, орталық бас дәрігері Олег Ким және оның орынбасарлары, бөлім меңгерушілері, дәрігерлер мен аға акушерлер, аға мейіргерлер қатысты.
Алдымен перинаталдық орталықтың бас дәрігері 2023 жылы атқарылған жұмыстар мен алға қойған міндеттер туралы баяндама жасады. Бас дәрігердің неонатология ісі жөніндегі орынбасары Ләйлә Хайдарова неонатология саласы бойынша есеп берсе, бас дәрігердің пациенттерді қолдау және ішкі бақылау жөніндегі орынбасары Сауле Жаканова аудит қызметі туралы баяндама жасады.
Есеп беру жиналысы соңында Жаныл Абубакирова 2023 жылы атқарылған жұмысқа оң баға беріп, одан әрі ана мен бала денсаулығын нығайту жолындағы кешенді іс-шараларды жалғастыруды тапсырды.
