15 маусым күні медицина қызметкерлерінің кәсіби мерекесі қарсаңында облыстық Н.Бекежанов атындағы музыкалық-драма театрында салтанатты шара ұйымдастырылды. Жиынға облыс әкімі Нұрлыбек Нәлібаев қатысып, халық денсаулығы жолында аянбай еңбек етіп келе жатқан мамандарға ізгі тілегін білдірді. Сонымен қатар, аймақ басшысы өз саласында үлкен жетістіктерге жетіп, халық алғысына бөленіп жүрген қызметкерлерге арнайы марапат табыстады.
?Ауқымды іс-шарада облыстық перинаталдық орталығының білікті УДЗ дәрігері Абдыгалиева Гаухар Жолдасбековна ҚР Денсаулық сақтау министрлігінің «Денсаулық сақтау ісінің үздігі» төс белгісімен марапатталды.
![?⚕️]()
Абдыгалиева Гаухар Жолдасбековна – кеңес беру-диагностикалық бөлімнің УДЗ дәрігері. Еңбек өтілі – 29 жыл.
![✅]()
1983-1985 жж. Қызылорда медициналық училищесінің мейірбике мамандығын бітіріп шыққан. Алғашқы еңбек жолын 1985-1987 жылдар аралығында Облыстық емхананың сәбилер хирургиясы бөлімінде мейірбике ретінде бастаған. 1987 жылы Қарағанды мемлекеттік медициналық институтына түсіп, 1993 жылы «Педиатрия» мамандығы бойынша жоғары білім алған. 1993 жылы біріккен қалалық балалар ауруханасында педиатрия мамандығы бойынша интернатурадан өткен.
![✅]()
1994 жылдан бастап қалалық перзентханаға неонатолог дәрігері ретінде қабылданды. 2008 жылы Алматы қаласындағы Қазақ медициналық үздіксіз білім беру университетінде ультрадыбыстық зерттеу мамандығы бойынша қайта даярлаудан өтіп, нәрестелердің, жүкті, босанушы, босанған әйелдерге ультрадыбыстық зерттеу дәрігер ретінде көмек беруде.
![✅]()
2010 жылы Израиль мемлекеті, Тель-Авив қаласындағы «CoMet» университетінде «Ultrasound in obstetrics and gynecology» (Акушерлік-гинекологиядағы ультрадыбыстық зерттеу) тақырыбы бойынша 288 сағат білімін жетілдірген.
![✅]()
Шеберлік-кластарға қатысып, өзінің біліктілігін арттырып, үнемі білімін жетілдіріп отырады. Өзін білімді, жауапкершілігі мол маман ретінде көрсетеді. Өз жұмысын толық меңгерген маман.
Медицина қызметкерлері ең ізгі тілектер мен шынайы алғыс сөздерге лайық жандар. Әріптесімізді «ДЕНСАУЛЫҚ ІСІНІҢ ҮЗДІГІ» ТӨСБЕЛГІСІ иегері атануымен құттықтаймыз! Жұмыста абырой, отбасыңызға бақыт, деніңізге саулық тілейміз.
