Маусымның əр үшінші жексенбісі – медицина қызметкерлері күні. Осыған орай облыстық перинаталдық орталығының мәжіліс залында мамандығына адал, тынбай қызмет етіп жүрген ақ халатты мамандардың кәсіби мерекесі аталып өтті.
Салтанатты жиында бас дәрігер О. В. Ким қызметкерлерді кәсіби мерекелерімен құттықтап, облыс халқына жылдың 365 күнінде, тәуліктің 24 сағатында, күн-түн демей қалтқысыз қызмет көрсетіп келе жатқан ақ халатты абзал жандарға мереке аясында толайым табыстар тіледі.
Жиында кәсіподақ ұйымы зейнет жасына жеткен еңбек ардагерлері акушер Жусипназарова Базаркул Смайловна, Кангереева Жадра Есенбаевнаны құрметті еңбек демалысына шығарып салды. Сонымен қатар, кәсіподақ төрайымы бөлімшелерге тұрмыстық техника үйлестірді.
Бірқатар қызметкерлер Облыстық денсаулық сақтау басқармасының, облыстық перинаталдық орталығының Алғыс Хат, Құрмет Грамоталарымен марапатталды.
