Ана мен бала денсаулығына көрсетіліп жатқан көмектің және оның сапасына баға беру үшін Денсаулық сақтау министрлігінен құрылған келесі мониторинг тобы Қызылорда облысына бойынша аудан және қала медициналық ұйымдары бойынша 1 апта көлемінде жұмыс жасады:
- ҚР ДСМ Ана мен бала денсаулығын сақтау департаменті директоры – Ембергенова Магрипа Хамитовна;
- ҚР ДСМ Ана денсаулығын сақтау басқармасының басшысы – Халыкова Шакизат Жаксынбетовна;
- Акушерия, гинекология және перинатология ғылыми орталығы» акционерлік қоғамының басқарма төрағасы – Мирзахметова Динара Досалыевна;
- «Педиатрия және балалар хирургиясы ғылыми орталығы» акционерлік қоғамының басқарма төрағасы – Боранбаева Риза Зулкарнаевна,
- «М.Оспанов атындағы Батыс Қазақстан Медициналық Университетінің» акушерия-гинекология кафедрасының басшысы – Шиканова Светлана Юрьевна;
- «Оңтүстік Қазақстан Медициналық академиясы» акционерлік қоғамының акушерия және гинекология кафедрасының меңгерушісі – Құлбаева Салтанат Налибековна;
- “Жыныстық және репродуктивті денсаулық жөніндегі Қазақстан қауымдастығы” Қарағанды филиалының президенті, профессор, контрацепция жөніндегі Еуропалық қауымдастықтың мүшесі, “Қарағанды медицина университеті” ассистенті, жоғары санатты акушер – гинеколог дәргер – Копобаева Ирина Леонидовна;
- Тиімді перинаталдық технологиялар бойынша ұлттық сарапшы – Толыкбаев Талгат Жорабекович;
Қызылордадағы жұмыс сапары аясында Облыстық перинаталдық орталығына келді. Олар пациенттердің жағдайларымен және жалпы орталық жұмысымен танысты.
Айта кету керек, 2021 жылы Облыстық перинаталдық орталығында Дүниежүзілік денсаулық сақтау ұйымы, Біріккен Ұлттар Ұйымының Балалар қоры (ЮНИСЕФ) ұсынған «Ана сүтімен қоректендіруді қорғау, қолдау және насихаттау» бағдарламасы бойынша 2021 жылдың наурыз айында ресертификациядан өтіп, «Балаларға мейірімді аурухана» мәртебесін алдық және қыркүйек айында Ұлттық аккредитациядан сәтті өтіп, бірінші санатқа ие болдық.
Республикада біздің облыс туу көрсеткіші бойынша алдыңғы қатарда. Бүгінгі таңда Қызылорда облыстық перинаталдық орталығы жалпы облыс бойынша 20 мыңнан аса босанудың 60 %-ын құрайтын, жылына 12000 мыңнан аса босану болатын ірі босандыратын медициналық ұйымдардың біріне айналды. Жылдан-жылға дүниеге келген бала саны көбеюде, нақтырақ статистикаға тоқтала кетсек 2021 жылы 12349 нәресте дүниеге келді. Оның ішінде 6332 (51,3%) – ер бала, 6017 (48,7 %) – қыз бала, оның ішінде 158 егіз және 1 үшем. Қазақстанның ДДҰ сәбидің тірі туу өлшемдерінің жаңа сатысына көшуімен 2008 жылдан бастап орталықта дене салмағы 500 граммнан басталатын жаңа туған нәрестелерді күту басталды.
Мамандардың пікірі бойынша ДДҰ-ның “Қауіпсіз ана болу”, “Ана сүтімен қоректендіруді қорғау, қолдау және насихаттау”, “Тиімді перинаталдық технологиялар” бағдарламалары Облыстық перинаталдық орталығында толығымен енгізіліп, одан әрі халықаралық стандарттарға сәйкес жұмыс жүргізіліп жатқандарына көз жеткізді. Денсаулық сақтау Министрлігінің жоғары әрі білікті мамандары өз тараптарынан медициналық көмек көрсету қызметін жақсарту және оны әрі қарай дамыту туралы өз ұсыныстары мен пікірлерімен бөлісті.
